ألف ألف مليون مبــارك
المشــير خدلك بتــــــارك
قوم افــــــرح و طفـــــي نارك
اغسل بدم ولاد بلدى عارك

الشعب الاهبل ابو ريالة
ضحكت عليه بتنحي و استقالة
وقلت ايش يعملوا من بعدى الحثالة
وعملت عيان و بتموت على نقالة
واتاريها مش اكتر من اشتغالة

قوم افرح و زقطط ده النهارده عيد
و فرح جمال و علاء و بتاع الحديد
ووزير الداخلية مفرقش عن العدلى البعيد
قولهم المشير ولع فى بور سعيد
والشعب فاهم انه والجيش ايد فى ايد

أيوه سعادتك ماشين عالخطة تمام
كل اللى قام بالثورة بنصفيه يا همام
نشغلهم ف ماتش كوره و نولعها فى الاعلام
و يا سيدي ثورة و مالة اهو كله كلام فى كلام

ما انت قولتها يا ريس لولاد مصر الخايبين
ببجاحة قلت يا انا يا الفوضي يا شحاتين
و ان رحت انا سايبلكوا شوية محرومين
ينهشوا فيكوا و يدبحوا فيكوا بسكاكين

طب ماشي يا ديكتاتور الخراب
و حياة دم المصريين اللى روى التراب
لنعرفك مين هما المصريين انت وشوية الاحزاب
وان سألوا فين أيامك يا مبارك 
حنقول ده كان كابوس اقرب للسراب
وانت اللى لازم تموت 
وكفاية على مصر فقدها لاعز الشباب
وعمر الظلم ما حيدوم 
طول ما فمصر اسود تدوس برجليها ع الكلاب

 ال