يا ضاربين الودع
وقاريين الكفوف
تنبؤاتكوا صودف
ولعب عالمكشوف
يا قاريين الفنجان
و فاتحين المندل
مين ع الغيب اطلع
ربكوا وحده أعلم
يا قاريين النجوم
وفاتحين الكتب
مين عليكوا يلوم
والجهل ده له سبب
تفتوا ما تفتوا بالغيب
وعن المستقبل تحكوا
والغيب له رب مهيب
وايش عرفكم بيه انتوا
وكل لبيب بالاشارة يفهم
والغيب غير الله وحده ما يعلم
ولا انسان اطلع على غيبه
حتى نبيه شفيعنا حبيبه
اتقوا الله وسيبوا الانسان لنصيبوا
ما يصيبه الا اللى كان حده ونصيبوا
واللى فى علم ربه هو راضيبوا
مخطوط على جبينه وكف ايدوا
كداب يا عراف ولو صدفت معاك
مين ع الغيب اطلعك ولاحتى وراك
لـوعرفنا الغيب كنا اختارنا الواقع
قالهالنا النبى الحبيب ودا أمر واقع
